Qazaqstandyq júzgish álem kýbogy kezeńinde ulttyq rekordty jańartty
ASTANA. KAZINFORM — Júzýden Qazaqstan quramasynyń sportshysy Ǵalymjan Balabek Tashkentte (Ózbekstan) ótip jatqan álem kýbogynyń kezeńinde el namysyn qorǵap jatyr.
Otandyq sportshy 400 metrge erkin ádispen júzýde 3:47.13 ýaqyt nátıjesin tirkep, 12-orynǵa turaqtady. Osy kórsetkishi arqyly Ǵalymjan Balabek Qazaqstan rekordyn jańartty.
AQSh ókili Karsen Foster altyn medal jeńip aldy — 3:37.39. Kúmis júlde belgııalyq Lýkas Per A. Envoǵa buıyrdy — 3:37.74. Al Mettıý Koldýell (OAR) úzdik úshtikti túıindedi — 3:40.95.
Aıta keteıik, álem kýbogynyń kezeńi 10 qazanǵa deıin jalǵasady.
Eske salaıyq, buǵan deıin Dıas Jırenbaev Denıs Ten memorıalynda 7-oryn alǵanyn jazǵanbyz.
