Qazaqstandyq jýrnalıst Lev Tarakov ómirden ótti

ASTANA.KAZINFORM — 59 jasqa qaraǵan shaǵynda kórnekti jýrnalıst, memleket qaıratkeri, «Vremıa» qoǵamdyq-saıası gazetiniń bas redaktory Lev Tarakov kenetten ómirden ozdy, dep habarlaıdy Kazinform tilshisi.

Jýrnalıstiń qaıtys bolǵanyn «Vremıa» gazetiniń redaktsııasy rastady.

Lev Tarakov 1966 jyly 9 qyrkúıekte Ýkraına KSR-niń Cherkassk oblysynda dúnıege kelgen. 1988 jyly Kıev joǵary áskerı-teńiz saıası ýchılışesin bitirdi. Sol jyly ol Soltústik flot kemelerinde saıası ofıtser bolyp eńbek jolyn bastady.

Lev ıÝrevıch ózin sózge, qoǵamǵa, Otanǵa qyzmet etýge arnady. Onyń joly — memlekettik qyzmette de, qazaqstandyq jýrnalıstıkada da tereń iz qaldyrǵan kásibı mamannyń joly. Ol táýelsiz Qazaqstannyń medıa ortasyn qalyptastyrǵan, obektıvtilik, adaldyq, azamattyq jaýapkershilik qaǵıdattaryna berik bolǵandardyń biri boldy.

Osy jyldary QR Baspasóz jáne BAQ mınıstrliginiń qyzmetkeri, QR Prezıdenti Ákimshiliginiń taldaý bóliminiń qyzmetkeri, Qazaqstan Respýblıkasy Aqparat jáne qoǵamdyq kelisim vıtse-mınıstri, Qazaqstan Respýblıkasy Prezıdentiniń baspasóz qyzmetiniń jetekshisi, «Izvestııa-Kazahstan» gazetiniń bas redaktory qyzmetterin atqardy.

2012 jyldyń mamyr aıynan bastap «Vremıa» qoǵamdyq-saıası gazetiniń bas redaktory boldy. Sol jyly Qazaqstan Respýblıkasy Mádenıet jáne aqparat mınıstrligi janyndaǵy BAQ máseleleri jónindegi keńestiń múshesi de atandy.

Onyń qyzmeti men tulǵasy keıingi býyn jýrnalısterine úlgi.

Biz onyń otbasy, balalary men týǵan-týystarynyń qaıǵysyna ortaqtasyp kóńil aıtamyz.