Qazaqstandyq júrgizýshi kýáliginen elektrondyq chıp alyp tastalady

ASTANA. KAZINFORM — Іshki ister mınıstrligi júrgizýshi kýáligi úlgisine túzetýler engizbek. Qujat jobasy «Ashyq NQA» portalynda jarııalandy. 

Jobanyń maqsaty — júrgizýshi kýáliginen elektrondyq chıpti alyp tastaý, sebebi qarjylyq turǵydan tıimdi.

Vedomstvonyń málimetinshe, chıp-modýldi engizý jáne paıdalaný qosymsha shyǵyndy talap etedi, al ol fýnktsııany qazir memlekettik derekter bazasy men aqparattyq júıe tolyq qamtamasyz etip otyr.

— Osy oraıda chıpti alyp tastaý bıýdjet qarajatyn únemdeýge jáne qujatty daıyndaý protsesin ońtaılandyrýǵa múmkindik beredi, — dep túsindirilgen qujatta. 

Eske sala ketsek, senator Marat Qojaev Qazaqstanda júrgizýshi kýáligin alý tártibin ózgertýdi usyndy. 

Aıta ketsek, elimizde júrgizýshi kýáligin onlaın rejımde aýystyrýǵa bolady.