Qazaqstandyq júk eksporty 17% ósti

ASTANA. KAZINFORM - 2026 jyldyń basynan beri Qazaqstan men Qytaı arasyndaǵy temirjol tasymalynyń kólemi 9,3% ulǵaıdy. Bul kórsetkish ınfraqurylymdyq múmkindikterdi keńeıtýge baılanysty bolyp otyr, dep habarlaıdy «Qazaqstan temir joly» UK» aktsıonerlik qoǵamynyń baspasóz qyzmeti.

Baspasóz qyzmetiniń málimetterine qaraǵanda, qazaqstandyq júk eksporty 17% ósip otyr, onyń ishinde temir kenin, qara metaldardy, agroónerkásiptik keshen men munaı ónimderin tasymaldaý ulǵaıdy.

Osy rette aıta ketetin másele - elimizdiń tranzıttik áleýeti nyǵaıyp keledi. Qytaımen qatynasta tranzıttik júkterdiń kólemi 8% ósti. Qazaqstan aýmaǵy arqyly Qytaıdan tranzıtpen júkterdi tasymaldaý 27% ósimdi kórsetti.

QTJ ınfraqurylymnyń tranzıttik tasymaldardyń odan ári ósýine daıyndyǵyn qamtamasyz ete otyryp, Memleket basshysynyń tapsyrmalary sheńberinde eldiń kóliktik-logıstıkalyq áleýetin arttyrý jónindegi júıeli jumysty jalǵastyrýda.

-Transkaspıı halyqaralyq kólik baǵdary boıynsha tasymaldaýdyń oń qarqyny baıqalady. Bıylǵy jyldyń birinshi toqsanynyń qorytyndysy boıynsha Qytaıdan THKB boıynsha 125 konteınerlik poıyz jóneltildi. Bul ótken jyldyń sáıkes kezeńinen 34,4% joǵary,-delingen habarlamada.

Osyǵan deıin eksporttyq júk tasymalynyń kólemi temirjolda 2,2 paıyzǵa artqany týraly jazdyq.