Qazaqstandyq JOO tsıfrlyq bilim berý boıynsha álemdik úzdik úlgiler qatarynda ataldy
ASTANA. KAZINFORM - AQSh-tyń Boston qalasynda ótken Coursera-nyń «Joǵary bilim berýdiń bolashaǵy» atty sammıtinde Halyqaralyq aqparattyq tehnologııalar ýnıversıteti (IITU) álemdik bilim berý qaýymdastyǵy tarapynan joǵary baǵalandy, dep habarlaıdy QR Ǵylym jáne joǵary bilim mınıstrliginiń baspasóz qyzmeti.
Plenarlyq otyrys barysynda Coursera kompanııasynyń bas dırektory Greg Hart IITU-dy onlaın oqytýdy bilim berý úderisine tabysty yqpaldastyrǵan álemdegi jetekshi úlgilerdiń biri retinde atap ótti.
Onyń aıtýynsha, ýnıversıtet tsıfrlyq bilim berý tehnologııalaryn barlyq akademııalyq baǵdarlamalarǵa tıimdi engizip, stýdentter men oqytýshylardyń onlaın kýrstardy oqý úderisinde de, kásibı damýy úshin de keńinen paıdalanýyna múmkindik jasaǵan.
Sondaı-aq qol jetkizilgen nátıjelerdiń zamanaýı bilim berý platformalarynyń kadrlar daıarlaý sapasyn arttyrýǵa, tsıfrlyq quzyretterdi damytýǵa jáne joǵary oqý oryndarynyń ınstıtýtsıonaldyq transformatsııasyna oń áser etetinin aıqyn kórsetetini erekshe atap ótildi.
- Atalǵan jetistik qazaqstandyq joǵary oqý oryndarynyń halyqaralyq deńgeıdegi básekege qabilettiliginiń artyp kele jatqanyn dáleldep, elimizde tsıfrlyq bilim berýdi damytýǵa jańa múmkindikter ashady, - delingen habarlamada.
Osyǵan deıin JOO oqytýshylaryna 60 myńnan astam ChatGPT lıtsenzııasy berilgeni týraly jazdyq.
