Qazaqstandyq jolshylar kanadalyq áriptesteriniń tájirıbesin zertteıdi
ASTANA. KAZINFORM – Kólik mınıstri Marat Qarabaevtyń Kanadanyń Monreal qalasyna jumys sapary barysynda HAAU-nyń 14-shi aeronavıgatsııalyq konferentsııasy (AN-Conf/14) aıasynda Kanada Kólik mınıstriniń orynbasary Arýn Tangaradjben kezdesýi ótti.
Kezdesý barysynda taraptar avtojol qurylysy boıynsha tájirıbemen almasý maqsatynda qazaqstandyq jolshylardyń Kanadaǵa saparyn uıymdastyrýǵa kelisti. Sondaı-aq Kanadanyń Kólik mınıstrliginiń basshylyǵymen eki el arasynda tikeleı áýe qatynasyn ashýdyń quqyqtyq negizderin qurý týraly kelisimge qol jetkizdi.
Sapar aıasynda kanadalyq DeHavilland jáne Bombardier áýe kemelerin shyǵaratyn kompanııalardyń basshylyǵymen shaǵyn avıatsııany damytý týraly yntymaqtastyq máseleleri talqylandy.
Sonymen qatar «NDT Technologies Inc» kompanııasynyń tóraǵasymen kezdesý ótti. Qos tarap temirjol kóligi salasyndaǵy yntymaqtastyq máselesin pysyqtaýǵa kelisti.
Anyqtama úshin: «NDT Technologies Inc» tsıfrlyq optıka, ýltradybystyq, elektromagnıttik jáne lazerlik baqylaý tehnologııalaryn paıdalanatyn avtomattandyrylǵan júıelerdi jobalaý, ornatý jáne tehnıkalyq qyzmet kórsetýmen aınalysatyn ıntegratsııalanǵan avtomattandyrylǵan buzýshylyqty baqylaý (BB) jáne ólsheý júıeleriniń jetkizýshisi sanalady.
