Qazaqstandyq joba ıÝNESKO qorynan júz myń dollarǵa jýyq qarjy alady
ASTANA. KAZINFORM – Materıaldyq emes mádenı murany qorǵaý jónindegi Qazaqstan Respýblıkasynyń Ulttyq komıteti usynǵan joba alǵash ret ıÝNESKO-nyń halyqaralyq qorynan qarajat aldy. Bul týraly Qazaqstan Syrtqy ister mınıstrligininiń baspasóz qyzmeti málim etti.
Mınıstrliktiń habarlaýynsha, ıÝNESKO-nyń shtab-páterinde Paragvaı Respýblıkasynyń ıÝNESKO janyndaǵy Turaqty ókili Nensı Ovelar de Gorostıaganyń tóraǵalyǵymen Materıaldyq emes mádenı murany (MEMM) qorǵaý jónindegi úkimetaralyq komıtettiń on toǵyzynshy sessııasy Bıýrosynyń birinshi otyrysy ótti.
«Kezdesý barysynda ıÝNESKO-nyń MEMM qorǵaý qorynan halyqaralyq kómek mehanızmi boıynsha jobalardy qarjylandyrýǵa tórt ótinim qarastyryp, qoldaý tapty. Atap aıtqanda, Qazaqstanǵa 99 600 AQSh dollary bólindi, ony ýákiletti memlekettik organ MEMM qorǵaý jónindegi ulttyq komıtetpen birlesip qalyptastyratyn MEMM ulttyq tizimin odan ári naqtylaýdy daıyndaý jáne bes oblystaǵy jergilikti qaýymdastyqtar úshin MEMM qorǵaý týraly konventsııany júzege asyrýda áleýetti arttyrý úshin bólindi. Bul Qazaqstannyń ıÝNESKO-nyń halyqaralyq kómek tetigin alǵash ret qoldanýy ekendigin atap ótý qajet», — delingen habarlamada.
Kot-D’Ivýar, Majarstan jáne Ýganda usynǵan jobalar da qoldaý tapty.
«Qazaqstannyń ıÝNESKO janyndaǵy Turaqty ókili Asqar Abdrahmanov MEMM-ny qorǵaý jónindegi Úkimetaralyq komıtetiniń Bıýrosyna kórsetilgen senim úshin alǵys aıtyp, elimizdiń adamzattyń jandy murasyn qorǵaýǵa laıyqty úles qosýdy ulttyq jáne halyqaralyq deńgeılerde ıÝNESKO-nyń 2003 jylǵy konventsııasynyń sheńberinde jalǵastyrýǵa nıetti ekenine sendirdi» - dep habarlady vedostvonyń baspasóz qyzmeti.
