Qazaqstandyq jeti sportshy semserlesýden álem kýbogynda synǵa túsedi
ASTANA. KAZINFORM — 15-18 qazan aralyǵynda Oran qalasynda (Aljır) semserlesýden álem kýbogynyń kezeńi ótedi, dep habarlaıdy UOK baspasóz qyzmeti.
Halyqaralyq jarysta Qazaqstan namysyn jeti sportshy qorǵaıdy.
Erler arasyndaǵy sablıa básekesinde Artýr Chýprakov, Qýanysh Erǵashbaı, Artem Sarkısıan jáne Nazarbaı Sattarhan baq synaıdy.
Al áıelder arasynda Karına Dospaı, Anastasııa Gýlık jáne Áıgerim Sarybaı óner kórsetedi.
Aıta keteıik, qazaqstandyq sportshylar jekeleı jáne komandalyq saıystarda júldege talasady.
Budan buryn Qazaqstan semserlesýden tórt aıda úsh tarıhı jeńiske qol jetkizgenin jazǵanbyz.
