Qazaqstandyq jeńil atletter Manamadaǵy Azııa oıyndarynyń fınalynda baq synaıdy

ASTANA. KAZINFORM – Jeńil atletıkadan Qazaqstan quramasynyń bes ókili Manamada (Bahreın) ótip jatqan jasóspirimder arasyndaǵy Azııa oıyndarynyń fınalyna shyqty. 

Ulttyq olımpıadalyq komıtettiń málimetinshe, 400 metrge kedergiler arqyly júgirýdiń irikteý kezeńinde Margarıta Kosınova men Afına Cholakıdı sátti óner kórsetip, júldege talasýǵa múmkindik aldy. 

Sondaı-aq 800 metrlik qashyqtyqta synǵa túsken Dmıtrıı Spaskıı jarys qorytyndysy boıynsha úzdik nátıje kórsetip, 2025 jylǵy jasóspirimder Azıadasynyń fınaldyq kezeńine ótti. Qyzdar arasynda Jalıla Qanat pen Dıana Salmına fınalǵa joldama aldy. 

Eske salsaq, buǵan deıin taekvondoshy Aıym Serikbaeva jasóspirimder Azıadasynda top jarǵanyn habarlaǵanbyz.