Qazaqstandyq jeńil atletter Qosanov memorıalynda 34 medal jeńip aldy

ALMATY. KAZINFORM – Almatyda jeńil atletıkadan iri halyqaralyq jarys – Ǵusman Qosanov memorıaly máresine jetti.

Bul jarysta Qazaqstan quramasy jalpy esebi 34 medal jeńip aldy: 6 altyn, 12 kúmis jáne 16 qola júlde.

Jarysta jeńiske jetkender qatarynda:

ıÝlııa Bashmanova (100 metrge kedergiler arqyly júgirý), Polına Ivanova (syryqpen sekirý), Aleksandra Zalıýbovskaıa (400 metr), Nadejda Dýbovıtskaıa (bıiktikke sekirý), Ivan Tovchenık (syryqpen sekirý), sondaı-aq Qazaqstannyń aralas 4×400 metrlik estafeta komandasy bar.

Kúmis júldegerler: Irına Konışeva (100 metrge kedergiler arqyly júgirý), Anna Cherkashına (syryqpen sekirý), Artýr Gafner (naıza laqtyrý), Marııa Efremova (úsh qarǵyp sekirý), Aleksandra Zalıýbovskaıa (200 metr), Adelına Zems (400 metrge kedergiler arqyly júgirý), Ádil Omarbekov (400 metrge kedergiler arqyly júgirý), Aqbilek Quralbaı (1500 metr), Davıd Efremov (110 kedergiler arqyly júgirý), Vıktorııa An (100 metr), sonymen qatar erler men áıelder quramasy (4×100 metrlik estafeta).

Qola júldegerler: Alına Chıstıakova (100 metrge kedergiler arqyly júgirý), Anton Bodnar (bıiktikke sekirý), Dıana Geınts (naıza laqtyrý), Evgenııa Krasaeva (800 metr), Nıkıta Izotov (800 metr), Evgenıı Prokýdın (100 metrge kedergiler arqyly), Aqbilek Quralbaı (5000 metr), Igor Hrýnın (1500 jáne 5000 metr), Ivan Ivanov (ıadro laqtyrý), Evgenıı Labýtov (dısk laqtyrý), Nadejda Bogdanova (ıadro laqtyrý), Vıtalıı Zems (200 metr), Elnor Mýhıtdınov (400 metr), Vıktorııa An (200 metr), sonymen qatar Qazaqstan áıelder quramasynyń ekinshi komandasy (4×100 metrlik estafeta).

Aıta keteıik, Ǵusman Qosanov memorıaly World Athletics Continental Tour Bronze Level serııasyna kiredi jáne halyqaralyq maýsymdaǵy mańyzdy kezeńderdiń biri sanalady.

Atletter bul jarys arqyly aldaǵy qyrkúıek aıynda Japonııada ótetin álem chempıonatyna qajetti reıtıngtik upaılardy jınaı aldy.

Bıylǵy týrnırge 17 elden 200-den astam sportshy qatysty.

Buǵan deıin qazaqstandyq balýannyń Polshadaǵy týrnırde kúmis medal enshiledi