Qazaqstandyq jeńil atletter halyqaralyq jarystarda úsh júldege qol jetkizdi
ASTANA. KAZINFORM - Qazaqstan quramasynyń úsh sportshysy jeńil atletıkadan halyqaralyq jarystarda júldeger atandy. Bul týraly Ulttyq olımpıadalyq komıtet habarlady.
Elızaveta Matveeva Kıprdiń Lımasol qalasynda ótken EKO Cyprus International Athletics Meeting týrnırinde kúmis medal jeńip aldy.
Otandasymyz bıiktikke sekirý saıysynda 185 santımetr nátıjesin kórsetip, ekinshi orynǵa ıe boldy.
Al Krıstına Ovchınnıkova Polshanyń Belostok qalasynda uıymdastyrylǵan Mityng na Rynku w Białymstoku týrnırinde júldegerler qatarynan kórindi. Qazaqstandyq sportshy 187 santımetr bıiktikti baǵyndyryp, qola medal enshiledi.
Sondaı-aq Polına Ivanova Ońtústik Koreıanyń Pýsan qalasynda ótken World Athletics Challenger serııasynda syryqpen sekirý jarysynda kúmis júldege qol jetkizdi. Ol 4,20 metr nátıjemen jarysty ekinshi orynmen aıaqtady.
Aıta keteıik, trıatlonnan Qytaıdaǵy Azııa chempıonatyna qatysatyn qazaqstandyqtar belgili boldy.
