Qazaqstandyq jeńil atletter Azııa chempıonatyna daıyndyǵyn bastady
ASTANA. KAZINFORM – Qazaqstandyq jeńil atletter 6-8 aqpanda Qytaıda ótetin Azııa chempıonatyna daıyndyǵyn bastap ketti.
Ulttyq qurama músheleri Astana qalasynda búgin jalaýyn kótergen jeńil atletıkadan elimizdiń qysqy birinshiliginde jasaqtalady. Dúbirli doda QR Týrızm jáne sport mınıstrligi, QR Jeńil atletıka federatsııasy jáne Astana qalasy dene shynyqtyrý jáne sport basqarmasynyń qoldaýymen ótedi. Onda World Athletics erejesi negizinde jarystar ótkiziledi.
Elimizdiń 18 óńirinen kelgen sportshylar jarys baǵdarlamasy boıynsha erler men áıelder arasynda jekeleı 13 saıys túrinen synǵa túsedi. Sondaı-aq 2 estafetalyq jarysta júldeler sarapqa salynady.
– Birinshiilkte Nora Djerýto men Deızı Djepkemeı 1 500 jáne 3 000 metr qashyqtyqqa jarys jolyna shyǵady. Olardan bólek, ulttyq qurama músheleri de jarysqa qatysady. Nátıjesinde 6-8 aqpanda Qytaıda ótetin Azııa chempıonaty, naýryzda bolatyn Polshadaǵy álem chempıonatyna qatysatyn qurama músheleri jasaqtalady, - dedi ulttyq quramanyń keńesshi bapkeri Aleksandr Apaıchev.
Aıta ketsek, qarasha aıynda ýkraınalyq maman Aleksandr Apaıchev ulttyq quramaǵa qyzmetke kelgen edi.