Qazaqstandyq jeńil atlet jasóspirimder arasyndaǵy Azııa oıyndarynda úzdik úshtikke endi

ASTANA. KAZINFORM – Bahreınniń Manama qalasynda ótip jatqan jasóspirimder arasyndaǵy Azııa oıyndarynda Qazaqstan quramasy jeńil atletıkadan qola júldege ıe boldy.

Ulttyq olımpıadalyq komıtettiń málimetinshe, otandasymyz Aıda Aqylbekova 3 000 metrge júgirý saıysynda sátti óner kórsetip, úzdik úshtikten kórindi.

Sportshy 10:45.21 ýaqyt kórsetkishimen úshinshi bolyp márege jetti.

Ózbekstandyq Anastasııa Sılchenko jarys jeńimpazy atandy - 09:43.61. Ekinshi oryndy Qytaı sportshysy ıÝı Sıaosıýan ıelendi - 10:21.85.