Qazaqstandyq jeńil atlet Nıderlandydaǵy FBK Games týrnırinde júldeger atandy
ASTANA. KAZINFORM – Qazaqstandyq jeńil atlet Krıstına Ovchınnıkova Nıderlandynyń Hengelo qalasynda ótken bedeldi FBK Games halyqaralyq týrnırinde qola medal jeńip aldy.
Sportshy bıiktikke sekirý saıysynda úshinshi orynǵa turaqtady. Eń úzdik múmkindiginde Ovchınnıkova 188 santımetr nátıjesin kórsetti. Al Elızaveta Matveeva 176 santımetr kórsetkishpen jarysty toǵyzynshy orynmen aıaqtady.
QR UOK málimetinshe, jarystyń jeńimpazy atanǵan Ýkraına ókili ıAroslava Magýchıh 194 santımetr bıiktikti baǵyndyrdy. Kúmis medaldi Kýba sportshysy Daksı Adelına Brıson jeńip aldy – 191 santımetr.
Aıta keteıik, FBK Games týrnıri World Athletics Continental Tour jarystarynyń eń joǵary – «altyn» deńgeıine kiredi.
Aıta keteıik, osy demalysta otandyq sportshylar halyqaralyq jarystarda 19 medal jeńip aldy.
