Qazaqstandyq jeńil atlet Azııa chempıonatynyń qola júldegeri atandy
ASTANA. KAZINFORM — Qytaıdyń Chýntsın qalasynda jeńil atletıkadan sekirý dıstsıplınalary boıynsha alǵashqy Azııa chempıonatynda Parıj Olımpıadasynyń qatysýshysy Elızaveta Matveeva úzdik úshtikke endi, dep habarlaıdy QR Týrızm jáne sport mınıstrligi Sportty damytý dırektsııasy.
Qurlyqtyq dodada el namysyn 5 sportshy qorǵap jatyr.
Jarystyń birinshi kúngi nátıjesi:
Barnohon Saıfýllaeva — 183 sm
Lıý Tszıaven — 180 sm
Elızaveta Matveeva — 180 sm
Chýı Van ıA — 180 sm
Sondaı-aq dál osy synda taǵy otandasymyz Nadejda Dýbovıtskaıa da óner kórsetip, toǵyzynshy orynnan kórindi. Al uzyndyqqa sekirýden Anastasııa Rypakova 13-satyǵa turaqtady.
19 mamyr kúni, básekeniń sońǵy kúninde Qazaqstan atynan taǵy eki sportshy fınalda baq synaıdy. Olar, Marııa Efremova (úsh qarǵyp sekirýden), al Polına Ivanova syryqpen sekirýden synǵa túsedi.
Jalpy Azııa chempıonatyna 19 elden 108 atlet qatysyp jatyr.
Osyǵan deıin Qytaıdaǵy Azııa chempıonatynda bes qazaqstandyq jeńil atlet baq synaıtynyn jazdyq.
