Qazaqstandyq jastar kórkem gımnastıkadan Azııa chempıonatynda 7 medal aldy

ASTANA. KAZINFORM — Sıngapýrde ótken kórkem gımnastıkadan jastar arasyndaǵy Azııa chempıonaty aıaqtaldy.

Bul jarysqa Almaty olımpıadalyq daıarlaý ortalyǵynyń sportshylary qatysyp, 4 altyn jáne 3 kúmis medal jeńip aldy. Olardyń arasynan jeke baǵdarlamada Aqmaral Erekesheva dop jáne lentamen saıysqa túsýden chempıon atansa, sheńbermen ekinshi orynǵa turaqtady.

Al toptyq jattyǵýda el quramasy býlava jáne sheńbermen saıysta jeńis tuǵyryna kóterildi. Komandalyq saıysta qazaqstandyq gımnastshylar ekinshi oryn aldy. Bul joly Aqmaral Erekesheva, Aıǵanym Rysbek, Ksenııa Shımolına, Tomırıs Vahlova, Anastasııa Chaşına, Álııa Baqytqyzy, Evgenııa Vendırevskaıa jáne Elızaveta Egorova synǵa tústi.

Sondaı-aq alty sportshydan quralǵan toptyq jattyǵýlardaǵy kópsaıys: ta Ksenııa Shımolına, Tomırıs Vahlova, Anastasııa Chaşına, Álııa Baqytqyzy, Evgenııa Vendırevskaıa jáne Elızaveta Egorov 2 oryn aldy.

Eske salsaq, bıyl kórkem gımnastıkadan ulttyq quramanyń bas bapkeri taǵaıyndaldy.