Qazaqstandyq jasóspirimder Germanııada ótip jatqan oq atýdan álem chempıonatynda alǵashqy medalin jeńip aldy
ASTANA. KAZINFORM - Germanııanyń Zýl qalasynda ótip jatqan oq atýdan jasóspirimder arasyndaǵy álem chempıonatynda Qazaqstan quramasy alǵashqy medalin jeńip aldy, dep habarlaıdy QR Ulttyq olımımpıadalyq komıteti.
Álem birinshiliginiń kúmis júldegeri atanǵan Rınat Kazachenko Qazaqstan qorjynyna alǵashqy júldeni saldy.
Qazaqstandyq mergen 50 metr qashyqtyqtan shaǵyn kalıbrli vıntovkamen úsh qalypta atý baǵdarlamasynda ekinshi nátıje kórsetti. Fınalda ol 355,2 upaı jınady.
Altyn medaldi Rohıt Kanıan jeńip aldy — 355,9 upaı. Úzdik úshtikti Patrık Entner túıindedi — 344,0 upaı.
Aıta keteıik, bul Qazaqstan quramasynyń osy jasóspirimder arasyndaǵy álem chempıonatyndaǵy alǵashqy júldesi boldy.
Osyǵan deıin Qazaqstan komandasynyń estafetadan Azııa chempıony atanǵanyn jazdyq.
