Qazaqstandyq jasóspirimder dzıýdodan álem chempıonatynyń ekinshi kúnin de júldesiz aıaqtady
ASTANA. KAZINFORM — Tashkent qalasynda (Ózbekstan) dzıýdodan jasóspirimder arasynda álem chempıonatynyń ekinshi ótip jatyr.
Kezekti jarys kúninde Qazaqstan atynan alty sportshy óner kórsetti.
Dosbol Balǵabaı 81 kelige deıingi salmaqta 1/8 fınalǵa deıin jetti. Ol bul kezeńde qytaılyq Shı Chjenıýımen kúresip, qarsylasyna jol berdi.
Aıdana Abıhanova 63 kelige deıingi salmaqta 1/8 fınalǵa deıin jetip, úndistandyq Chanambam Lınthoımen kezdesti. Nátıjesinde úndistandyq balýan jeńiske jetti. Dál osy salmaqta Damelıa Asylhanova slovenııalyq Leıla Mazýzıden jeńilip qaldy.
70 kelide Shynar Bitimbaı alǵashqy beldesýinde Nıderland dzıýdoshysy Lýna de Kokqa ese jiberdi.
Sondaı-aq Omar Nurbergenov (81 kelige deıin) alǵashqy kezdesýinde polshalyq Shımon Shýlıkten jeńildi.
Al Muhammedalı Zakırov (73 kelige deıin) birinshi beldesýinde ıÝra Ekooǵa (Japonııa) jol berdi.
Osylaısha, qazaqstandyq sportshylar fınaldyq kezeńge óte almady.
Eske salaıyq, buǵan deıin Qazaqstan jasóspirimder arasyndaǵy álem chempıonatynyń alǵashqy kúninde júldesiz qalǵanyn jazǵanbyz.