Qazaqstandyq jasóspirim tennısshiler halyqaralyq týrnırlerde top jardy
ASTANA. KAZINFORM – Qazaqstandyq jasóspirim tennısshiler ITF týrnırlerinde sátti óner kórsetti. Aııa Nupbaı juptyq synda ITF J200 Juniors Almaty jarysynyń chempıony atandy.
Almatyda Aııa reseılik Polına Kýharenkomen birge fınalda qazaqstandyq Polına Sleptsova – amerıkalyq Amına Salıbaevany 6:1, 6:4 esebimen jeńdi.
Qyrǵyzstannyń Sholpan-Ata qalasynda ITF J60 Juniors dodasy máresine jetti. Munda Sofııa Isakova jekeleı synda otandasy Arıana Kolbasınadan aılasyn asyrdy – 6:1.
Bir apta buryn osy Sholpan-Atada Sofııa jekeleı synda ITF J30 týrnırinde úzdik shyqqan edi.
Eske sala keteıik, budan buryn Beıbit Juqaevtyń Ulybrıtanııada negizgi jarysqa joldama alǵanyn jazǵan bolatynbyz. Sondaı-aq Elena Rybakına Berlınde Nıderlandtaǵy týrnırdiń chempıonymen kezdesýi múmkin.
