Qazaqstandyq jasóspirim tennısshi Germanııadaǵy týrnırde úzdik shyqty

ASTANA. KAZINFORM — Qazaqstandyq jasóspirim tennısshiler 12 jasqa deıingiler arasynda Tennis Europe jarystarynda jaqsy tabystarǵa qol jetkizdi.

Germanııanyń Karlsrýe qalasynda birinshi sanattaǵy týrnırde Polına Lazarenko juptyq synda chempıon atandy.

P.Lazarenko bolgarııalyq Raıa Petkovamen birge sheshýshi oıynda kambek jasap, germanııalyqtar Naıle Býı – Darıa Strogalshıkovadan basym tústi – 4:6, 7:6, 10:8.

Jekeleı synda Polına fınalda ǵana kort ıesi Lıýze Sımoǵa ese jiberdi – 3:6, 5:7.

Chernogorııada ekinshi sanattaǵy osyndaı dodada Aqzere Erimbet pen Emılııa Starýseva fınalǵa deıin jetti. Tıtýl úshin matchta qazaqstandyqtar reseılik Polına Kashytsına – ýkraınalyq Sofıa Trıbadan utylyp qaldy – 3:6, 4:6.

Eske sala keteıik, budan buryn Rybakına men Pýtıntsevanyń AQSh-taǵy Tsıntsınnatı týrnırinde baq synaıtynyn jazǵan bolatynbyz.

Sonıa Jıenbaeva Óskemendegi ITF týrnıriniń fınalyna deıin jetti.