Qazaqstandyq jasóspirim qyzdar Denıs Ten memorıalynda baq synady
ASTANA. KAZINFORM — Almatyda ótip jatqan Denıs Ten memorıalynda jasóspirim qyzdar arasynda qysqa jáne erkin baǵdarlama aıaqtaldy.
Qyzdar arasyndaǵy jekeleı saıysta Marııa Sannıkova qos baǵdarlama qorytyndysy boıynsha 146,18 upaı enshilep, onynshy orynǵa turaqtady.
Safııa Abaeva 145,93 upaımen 11-oryn, Anna Sannıkova 141,72 upaımen 12-oryn, Sofııa Jýravleva 132,76 upaımen 16-oryn, Karına Sheına 131,71 upaımen 17-oryn, Marııa Sosnovskaıa 124,66 upaımen 18-oryn, Anastasııa Engelgardt 115,42 upaımen 20-orynǵa taban tiredi.
Júldeli oryndardy beıtarap mártebede óner kórsetken reseılik mánerlep syrǵanaýshylar ıelendi. Alısa Zaıkına altyn medal jeńip aldy - 206,05 upaı. Vıktorııa Streltsova kúmisten alqa taqty - 200,99 upaı. Al Alena Prıneva úzdik úshtikti túıindedi - 198,59 upaı.
Sofıa Samodelkına Denıs Ten memorıalynda qola medal jeńip alǵanyn jazǵan edik.
