Qazaqstandyq jasóspirim Ispanııadaǵy bilim báıgesinen júldeli oraldy

ASTANA. KAZINFORM – Qazaqstandyq Isa Qojasbaı Ispanııa astanasynda 6-8 synyp oqýshylar arasynda ótken bilim báıgesinde top jardy.

Barselonada ótken STEM halyqaralyq olımpıadasynda Isa Qojasbaı ǵylym men matematıka páninen úzdik úshtikke ilikti. Atap aıtqanda, matematıka páninen ekinshi (silver) oryn jáne ǵylym science boıynsha úshinshi (bronze) oryn aldy.

- Bıyl taǵy da Otanymnyń namysyn qorǵap, úzdik úshtiktiń qatarynan kóringenime qýanyshtymyn. Halyqaralyq bilim dodalarynda elimniń namysyn qorǵaǵanymdy maqtan tutamyn. Áli qazaqtyń baıraǵyn talaı ret jelbiretemin, - deıdi daryndy oqýshy.

Aıta keteıik, International STEM Olympiad bıyl besinshi ret ótkizildi. Oǵan álemniń 130 elinen 1700-den astam oqýshy men 38 myń stýdent qatysty.

Olımpıadaǵa qatysýshylar tórt baǵytta baq synady: ǵylym, tehnologııa, ınjenerlik is pen matematıka.

Osyǵan deıin qazaqstandyq oqýshylardyń Barselonadaǵy baıqaýda 13 medal enshilegenin jazdyq.