Qazaqstandyq jas tennısshiler Ózbekstandaǵy jarysta úzdik shyqty
ASTANA. KAZINFORM – Ózbekstannyń Ferǵana qalasynda 12 jasqa deıingiler arasynda Azııa chempıonatynyń Ortalyq Azııa boıynsha irikteý týrnıri máresine jetti.Atalmysh jarysta Qazaqstan quramasy úzdik óner kórsetti.
El namysyn uldardan Syrymjan Barlyqov (Aqtóbe), Ámirhan Qýanyshbekov, Evgenıı Şetnkıkov (ekeýi de Almaty) qorǵady. Kapıtany Rýslan Areprıntsev.
Qyzdardan Martına Kýrbatova (Almaty), Marııa Gýlıa, Vlada Degtıar (ekeýi de Astana) synǵa tústi. Kapıtany Zarına Jumajanova.
Qyzdar Ózbekstan, Qyrǵyzstan, Túrkmenstan komandalarymen kezdesip, barlyǵynda jeńiske jetti.
Uldar da osy elder quramalaryn tize búktirdi.
Doda qorytyndysy boıynsha Qazaqstannyń qos quramasy bıyl kúzde Shymkent qalasynda 12 jasqa deıingiler arasynda ótetin Azııa komandalyq chempıonatynyń fınaldyq kezeńine joldama aldy.
Eske sala keteıik, budan buryn Anna Danılınanyń Nottıngem týrnıriniń shırek fınalyna joldama alǵanyn jazǵan bolatynbyz.