Qazaqstandyq jas tennısshiler Qyrǵyzstandaǵy týrnırde úzdik shyqty

ASTANA. KAZINFORM — Sholpan-Ata (Qyrǵyzstan) qalasynda 18 jasqa deıingiler arasynda tennısten ITF Juniors J30 týrnıri aıaqtaldy.

Qazaqstan tennıs federatsııasynan málim etkenindeı, bozbalalar arasynda qazaqstandyq Danıel ıÝreklı fınalda amerıkalyq Arýsha Koteni 6:2, 1:6, 6:3 esebimen utty.

Bul — Danıeldiń ITF Juniors jarysyndaǵy alǵashqy tıtýly.

Sondaı-aq Rodıon Lýkashov pen Tımýr Saýlenko juptyq synda úzdik shyqty. Qazaqstandyqtar sońǵy básekede jergilikti tennısshiler Davıd Mogılevskıı — Nıkıta Klettsovty qapy qaldyrdy — 4:6, 6:3, 10:4.

Qyzdar arasynda shymkenttik Sabına Shýhratova fınalda ǵana qyrǵyzstandyq Sabına Haıbrahmanovaǵa ese jiberdi — 2:6, 1:6. Al juptyq synda qazaqstandyqtar Safına Safıýllına — ıAna Shtoda tartysty matchta reseılikter Sofıa Bahareva — Sofıa Sharıpovany jeńdi — 6:7 (1:7), 7:6 (7:5), 10:4.

Eske sala keteıik, budan buryn Elena Rybakınanyń álemdik reıtıngide 13-orynǵa túsip qalǵanyn jazǵan edik.