Qazaqstandyq jas tennısshiler Astana týrnırin sátti bastady
ASTANA. KAZINFORM — Astana qalasyndaǵy Beeline Arena ulttyq tennıs ortalyǵynyń korttarynda halyqaralyq Asu Open týrnıri ótip jatyr.
Áıelder arasynda World Tennis W15 jarysynda Sandýǵash Kenjebaeva men Eva Korysheva jekeleı synda alǵashqy jeńisterine qol jetkizdi.
Reıtıngide 1 434-oryndaǵy S.Kenjebaeva álemniń 1 107-raketkasy, reseılik Marııa Mıhaılovany kambekpen utty – 5:7, 6:3, 6:0.
E.Korysheva kútpegen jerden álemniń 938-raketkasy, úndistandyq Akanksha Dılıp Nıttýreni jeńip ketti – 6:2, 7:6 (7:4).
Erler arasynda World Tennis M15 dodasynda álemniń 627-raketkasy Ámir Omarhanov reıtıngide 1 033-satydaǵy ýkraınalyq Vladımır ıAkýbenkodan aılasyn asyrdy – 6:3, 6:3.
Taǵy bir jas qazaqstandyq tennısshi Damır Jalǵasbaı álemniń 1 126-raketkasy, úndistandyq Maan Kesharvanıǵa esh múmkindik qaldyrmady – 6:1, 6:2.
Áıelder arasynda juptyq synda Albına Kákenova men Anastasııa Krymkova sensatsııalyq nátıjeni tirkedi. Qazaqstandyq jup jarystyń 4-raketkalary, reseılikter Ekaterına Maklakova – Marııa Sholohovany 3:6, 6:4, 11:9 esebimen tize búktirip, shırek fınalǵa shyqty.
Bir kúnde eki match ótkizgen E.Korysheva Aııa Nupbaımen birge alǵashqy aınalymda úndistandyqtar Sonaı Patal - ıAshasvını Panvardy 6:1, 7:5 esebimen qapy qaldyrdy. Eva men Aııa da shırek fınalǵa joldama aldy.
Astana dodasynda basqa da qazaqstandyq tennısshiler óner kórsetip jatyr.
Eske sala keteıik, budan buryn Jibek Qulambaevanyń álemdik reıtıngide 115-orynǵa kóterilgenin jazǵan edik. Sondaı-aq Tımofeı Skatov San-Marıno týrnırinde alǵashqy qarsylasyn joldan taıdyrdy.
Denıs Evseev Túrkııadaǵy týrnırde jergilikti tennısshini kambekpen utty.
