Qazaqstandyq jas tennısshiler Albanııadaǵy jarysta jeńimpaz atandy

ASTANA. KAZINFORM – Qazaqstandyqtar Lınara Bólesheva men Medına Ótepbergen Albanııada 16 jasqa deıingiler arasynda ótken Tennis Europe týrnırinde jeńimpaz atandy.

Qazaqstandyq jas tennısshiler juptyq synda fınalda ıtalııalyqtar Ietstsa — Maffıdi tartysty matchta 6:2, 4:6, 10:2 esebimen tize búktirdi.

Jekeleı synda Lınara fınalǵa deıin jetip, onda jarystyń 6-raketkasy, túrkııalyq Sera Hasanbasoglýǵa jol berdi — 3:6, 3:6. 

Lınaranyń belgili fýtbolshy, kezinde Qazaqstan quramasynda dop tepken Álibek Bóleshevtiń qyzy ekendigi málim. 

Týnıste ITF Juniors J60 serııasy boıynsha doda aıaqtaldy. Taǵy bir qazaqstandyq Zara Dárken juptyq synda fınalǵa deıin jetti.

Sondaı-aq jekeleı synda jartylaı fınalda oınaýy tıis bolatyn. 

Biraq basqa jarysqa ketýine baılanysty Zara sońǵy kezdesýlerin ótkize almady. 

Eske sala keteıik, budan buryn Elena Rybakınanyń WTA chempıondyq kestesinde úzdikter qatarynda kele jatqanyn jazǵan bolatynbyz.

Aleksandr Býblık álemdik reıtıngide rekord ornatty, al ıÝlııa Pýtıntseva álemdik reıtıngte TOP-40-qa jaqyndady.