Qazaqstandyq jas tennısshi Túrkııadaǵy týrnırdiń shırek fınalyna joldama aldy

Qazaqstandyq jas tennısshi Tatıana Nıkolenko Antalııa (Túrkııa) ITF týrnıriniń shırek fınalyna joldama aldy, dep habarlaıdy Kazinform.

WTA reıtıngisine ázirge ene qoımaǵan 19 jastaǵy T.Nıkolenko alǵashqy aınalymda álemniń 1175-raketkasy, túrkııalyq Doga Túrkmendi 6:1, 6:1 esebimen oısyrata utty.

Tatıana ekinshi aınalymda álemniń 577-inshi, osy jarystyń 2-raketkasy, japonııalyq Maıýka Aıkavamen sheberlik baıqasyp, azýly qarsylasynan 6:1, 4:6, 7:6 (9:7) esebimen basym tústi.
Osylaısha, kútpegen jeńiske qol jetkizgen Tatıana Nıkolenko jartylaı fınalǵa shyǵý úshin álemniń 805-inshi, dodanyń 6-raketkasy, shvetsııalyq Lıza Zaarmen talasady.

Eske sala keteıik, budan buryn Jibek Qulambaevanyń Úndistandaǵy jarysty sátti ótkizip jatyrǵanyn jazǵan bolatynbyz.

Sondaı-aq qazaqstandyq 10 tennısshi álemdegi TOP-100-diń qataryna kirdi.