Qazaqstandyq jas tennısshi Týnıstegi jarystyń jartylaı fınalyna joldama aldy

Qazaqstandyq, 19 jastaǵy Sandýǵash Kenjebaeva juptyq synda Monastır (Týnıs) ITF týrnıriniń jartylaı fınalyna shyqty, dep habarlaıdy Kazinform.

Qazaqstandyq tennısshi amerıkalyq Kıara Shollmen birge eki kezdesýin sátti ótkizdi.

Qazaqstandyq-amerıkalyq jup aldymen germanııalyqtar Mıa Mek – Iohanna Sılvany 7:5, 6:3 esebimen joldan taıdyrdy.

Sodan keıin shırek fınalda jarystyń ekinshi raketkalary, ıtalııalyq Nýrııa Brankachcho – rýmynııalyq Andreıa Prısekarıýmen sheberlik talastyrdy.

Birinshi partııada S.Kenjebaeva – K.Sholl qarsylastaryn aıqyn basymdylyqpen utty – 6:1. Ekinshi sette esep olardyń paıdasynda 1:0 bolǵannan keıin N.Brankachcho – A.Prısekarıý básekeni jalǵastyrýdan bas tartty.

Sandýǵash pen Kıaranyń jartylaı fınaldaǵy qarsylastary keıin anyqtalady.

Eske sala keteıik, budan buryn qazaqstandyq tennısshiniń Mysyrdaǵy týrnırdiń jartylaı fınalyna shyǵa almaǵanyn jazǵan bolatynbyz.