Qazaqstandyq jas tennısshi Týnıstegi týrnırdiń jartylaı fınalyna deıin jetti

Qazaqstandyq Arýjan Saǵyndyqova juptyq synda Monastır (Týnıs) ITF týrnıriniń jartylaı fınalyna deıin jetti, dep habarlaıdy Kazinform.

Jarystyń 4-raketkalary bolyp tirkelgen 18 jastaǵy A.Saǵyndyqova men belorýssııalyq Darıa Homýtıanskoı shırek fınalda týnıstikter Hıba Henı – Rahım Rassılmen sheberlik baıqasty.

Birinshi partııada qazaqstandyq-belorýssııalyq jup 6:4 esebimen basym tústi.

Ekinshi sette týnıstik dýet ese qaıyrdy – 7:6 (7:5). Degenmen sýper taı-breıkte Arýjan men Darıa jeńisti julyp aldy – 11:9.

A.Saǵyndyqova – D.Homýtıanskoı bir kúnde ekinshi ret kortqa shyǵyp, jartylaı fınalda dodanyń 2-raketkalary, nıderlandylyq Stefanı Djýdıt Vıssher – germanııalyq Selına Dalǵa 2:6, 2:6 esebimen jol berdi. Sóıtip fınalǵa bir qadam jetpeı toqtady.

Eske sala keteıik, budan buryn Elena Rybakınanyń eń joǵary aqy tólenetin álemdegi 10 sportshynyń qataryna kirgenin jazǵan bolatynbyz.

Sondaı-aq Dmıtrıı Popko jekeleı synda Túrkııadaǵy týrnırdiń jartylaı fınalyna ótti.