Qazaqstandyq jas tennısshi Slovenııadaǵy týrnırdiń irikteý syndarynan sátti ótti

ORAL. KAZINFORM — Slovenııanyń Marıbor qalasynda ITF World Tennis Tour M25 týrnıriniń irikteý saıystary máresine jetti.

Qaraǵandy tennıs mektebiniń túlegi, 19 jastaǵy Maksım Batıýtenko aldymen aýstralııalyq Djer Steılıdi tize búktirdi – 6:3, 7:5.

Sodan keıin Maksım slovenııalyq Meh Vetrıhti qapy qaldyrdy – 6:4, 6:3.

Batıýtenko irikteý saıystarynyń fınalynda taǵy bir slovenııalyq Val Ýrankardan aılasyn asyrdy – 6:3, 7:5. 

Osylaısha, negizgi jarysqa joldama alǵan M.Batıýtenko alǵashqy aınalymda kort ıesi Nık Mıkovıchten ótýge tyrysady. 

Maksım jasóspirimder arasynda ótken jyly ITF Juniors reıtıngisin 50-orynmen qorytyndylaǵan bolatyn. Qazirgi kezde qazaqstandyq tennısshi Horvatııada Igor Zorın men Aleksandr Karpenkonyń qolastynda jattyǵýda.

Eske sala keteıik, budan buryn Dmıtrıı Popkonyń Domınıkan dodasynda qarsylasyn oısyrata utqanyn jazǵan bolatynbyz.