Qazaqstandyq jas tennısshi Slovenııada qarsylastaryn birde-bir partııa bermeı jeńdi
ASTANA. KAZINFORM — Qazaqstandyq Jánııa Bekmuhambetova ústel tennısinen Slovenııanyń Otochets qalasynda ótken WTT Youth Contender halyqaralyq týrnıriniń jeńimpazy atandy, dep habarlaıdy UOK baspasóz qyzmeti.
Qazaqstan quramasynyń ókili U13 jas sanatynda altyn medal jeńip aldy.
Jarys barysynda Jánııa slovenııalyq Emý Kalýjany — 3:0, úndistandyq Kaavıa Sarındi — 3:0, sıngapýrlyq Lın Tszıatszıýndi — 3:0, horvatııalyq Stella Presetskıdi — 3:0, Nıka Gregýretsti — 3:0 jáne Petra Lıpovshchakty — 3:0 esebimen jeńdi. Fınalda ol Sıngapýr ókili Hýan Krıstaldan 3:1 esebimen basym tústi.
Aıta keteıik, buǵan deıin Jánııa Bekmuhambetova Horvatııada ótken WTT Youth Contender týrnırinde kúmis júldeger atanǵan edi.
Osyǵan deıin Jánııa Bekmuhambetova ústel tennısinen Horvatııadaǵy týrnırde ekinshi oryn alǵanyn jazǵanbyz.
