Qazaqstandyq jas tennısshi Ózbekstandaǵy jarysta top jardy

ASTANA. KAZINFORM — Qazaqstandyq tennısshi, 16 jastaǵy Jantóre Sanjaruly juptyq synda Ózbekstannyń Ándijan qalasynda jasóspirimder arasynda ótken ITF J30 sanatyndaǵy týrnırde jeńimpaz atandy.

Qazaqstandyq jas tennısshi Ózbekstandaǵy jarysta top jardy
Foto: QTF

Jarystyń 2-raketkasy bolyp tirkelgen qazaqstandyq tennısshi ózbekstandyq Nıkıta Gafýrovpen birge óner kórsetti.

Olar fınalda týrnırdiń birinshi raketkalary, ózbekstandyqtar Saıdýmar Saıdakbarov pen Ahmadjon Toshmýhamedovke tap keldi. 

Sheshýshi báseke 6:4, 6:3 esebimen qazaqstandyq-ózbekstandyq juptyń paıdasyna sheshildi. 

Osylaısha, Jantóre Sanjaruly sporttyq jolynda alǵash ret jasóspirimder arasynda ITF J30 sanatyndaǵy týrnırde chempıondyq ataqqa qol jetkizdi. 

Eske sala keteıik, budan buryn AQSh-ta tennısten WTA qorytyndy týrnıri máresine jetkenin jazǵan edik.

Sondaı-aq Almaty Open alǵash ret ATP 250 sanatyndaǵy jyldyń úzdik týrnıri atandy.
WTA reıtıngisinde jyl qorytyndysy boıynsha TMD ókilderi alǵash ret TOP-3-ke kirdi.