Qazaqstandyq jas tennısshi Mysyrdaǵy jarystyń shırek fınalyna ótti

ASTANA. KAZINFORM – Qazaqstandyq, álemdik reıtıngide 1024-orynda turǵan 19 jastaǵy Arýjan Saǵyndyqova Sharm-el-Sheıh (Mysyr) ITF W15 týrnıriniń shırek fınalyna shyqty.

Qazaqstandyq tennısshi eki kezdesýin sátti ótkizdi.
Arýjan aldymen álemniń – 754, osy jarystyń 7-raketkasy, mysyrlyq, 21 jastaǵy ıAsmın Ezzatty joldan taıdyrdy – 7:6 (10:8), 6:0. A.Saǵyndyqova 4 qazanda Sharm-el-Sheıhte dál osy tennısshiden 3:6, 3:6 esebimen utylǵan edi. Sonda ketken eseni qaıtardy.
Arýjan ekinshi aınalymda germanııalyq Enn Akasha Seýsanyń mysyn basty – 6:2, 6:3.
Arýjan Saǵyndyqova jartylaı fınalǵa shyǵý úshin álemniń – 451, týrnırdiń 1-raketkasy, taǵy bir kort ıesi Sandra Samırmen talasady.
Taǵy bir qazaqstandyq jas tennısshi, álemniń 650-raketkasy Sonıa Jıenbaeva Kaıserı (Túrkııa) ITF W35 dodasynda bir kúnde eki match ótkizdi.
Sonıa áýeli reıtıngide 729-orynda turǵan rýmynııalyq Stefanııa Bojıtsany eki saǵattan astam ýaqytqa sozylǵan tartysty básekede 7:6 (7:1), 7:6 (7:2) esebimen jeńdi. Alaıda ekinshi aınalymda álemniń – 243, týrnırdiń 2-raketkasy, slovenııalyq Dalıla ıAkýpovıchten aılasyn asyra almady – 1:6, 1:6. Sóıtip shırek fınaldan tys qaldy.
Qazaqstannyń juptyq syndaǵy birinshi, álemniń 55-raketkasy Aleksandr Nedovesov germanııalyq Kevın Kravıtspen birge Bazel ATP 500 týrnıriniń jartylaı fınalyna shyǵa almady. Olar osy jarystyń 1-raketkalary, nıderlandylyq Ýeslı Kolhof – horvatııalyq Nıkola Mektıchke jol berdi – 4:6, 6:7 (5:7).
Eske sala keteıik, budan buryn Mıhaıl Kýkýshkınniń Frantsııadaǵy týrnırdiń shırek fınalyna shyqqanyn jazǵan bolatynbyz.