Antıkor jemqorlyqqa qarsy is-qımyl jónindegi halyqaralyq standarttardy engizýdi jalǵastyrýda
ASTANA. KAZINFORM — 20-22 qarasha aralyǵynda Astanada Qazaqstan Respýblıkasynyń Sybaılas jemqorlyqqa qarsy is-qımyl agenttigimen birlesip Shyǵys Eýropa jáne Ortalyq Azııa elderi úshin EYDU sybaılas jemqorlyqqa qarsy jelisi (EYDU SJQJ) uıymdastyrǵan halyqaralyq sarapshylarmen kezdesý ótkizildi.
Іs-shara EYDU SJQJ iske asyratyn jemqorlyqqa qarsy taqyryptyq joba sheńberinde ótkizildi, onyń maqsaty jemqorlyq faktilerin tergeýdiń sapasy men tıimdiligin arttyrýǵa, sondaı-aq tárkileý sharalary men sanktsııalardy qoldanýǵa járdemdesý bolyp tabylady.
Qazaqstan tarapynan talqylaýǵa Prezıdent Ákimshiliginiń, Cybaılas jemqorlyqqa qarsy is-qımyl agenttiginiń, Parlamenttiń, Bas prokýratýranyń jáne basqa da memlekettik organdardyń, Parlamentarızm Instıtýtynyń, «Atameken» UKP, sondaı-aq ǵylymı qoǵamdastyqtyń ókilderi qatysty.
Agenttik tóraǵasy Ashat Jumaǵalı kezdesýdi uıymdastyrǵany úshin EYDU SJQJ basshysy Olga Savranǵa jáne halyqaralyq sarapshylarǵa alǵysyn bildirip, Qazaqstannyń jemqorlyqqa qarsy saıasatyn, onyń ishinde EYDU SJQJ Sybaılas jemqorlyqqa qarsy kúres jónindegi Stambýl is-qımyl josparynyń monıtorınginiń 5-shi raýndy sheńberinde odan ári jetildirýdiń mańyzdylyǵyn atap ótti.
Qatysýshylarǵa quttyqtaý sóz sóılegen AQSh Elshisi D. Rozenblıým EYDU birlesken jobalary arqyly halyqaralyq yntymaqtastyq pen áriptestiktiń negizgi rólin atap ótip, Qazaqstannyń jemqorlyqqa qarsy reformalaryna qoldaý bildirdi.
Kezdesý barysynda zańdy tulǵalardyń jemqorlyq úshin qylmystyq jaýaptylyǵyn engizý máseleleri, aktıvterdi qaıtarý, tárkileý jáne jemqorlyq isteri boıynsha sanktsııalar máseleleri boıynsha zertteý nátıjeleri saraptamalyq talqylaýdyń jekelegen taqyryptary boldy.
Sarapshylar halyqaralyq tájirıbeni usynyp, zańdy tulǵalardyń jaýapkershiligin retteý tásilderimen, onyń ishinde qoldanystaǵy ákimshilik sharalar júıesin, ony kúsheıtý jónindegi zańnamalyq bastamalarmen, sondaı-aq bıznestiń ashyqtyǵy men parasattylyǵyn arttyrýǵa baǵyttalǵan balamaly sharalarmen tanystyrdy.
Qatysýshylar EYDU elderiniń ozyq tájirıbelerin jáne ulttyq erekshelikterin eskere otyryp, zańnamany odan ári jetildirýdi talqylady.
Arnaıy kún Sybaılas jemqorlyqqa qarsy kúres jónindegi Stambýl is-qımyl jospary sheńberinde qazaqstandyq zańnama monıtorınginiń 5-raýndyn baǵalaý nátıjelerin tanystyrýǵa arnaldy.
EYDU sarapshylary Qazaqstannyń jemqorlyqqa qarsy is-qımyl salasyndaǵy, onyń ishinde sybaılas jemqorlyqqa qarsy saıasattyń ınstıtýtsıonaldyq negizin nyǵaıtý jáne quqyqtyq tetikterdi damytý sııaqty baǵyttar boıynsha ilgerileýin atap ótti.
Sonymen qatar, aqparattandyrýshylardy qorǵaýdy, memlekettik satyp alýlardyń ashyqtyǵyn, sondaı-aq sybaılas jemqorlyqqa qarsy organnyń, prokýratýra men sot organdarynyń táýelsizdigin nyǵaıtýdy qosa alǵanda, odan ári jetildirýdi talap etetin aspektiler bólindi.
Sonymen qatar, EYDU tarapynan olardyń usynymdaryn iske asyrý boıynsha tehnıkalyq kómek máseleleri talqylandy.
Qazaqstandyq tarap jemqorlyqqa qarsy ulttyq saıasatty iske asyrý kezinde negizgi baǵyttarynyń biri halyqaralyq standarttardy engizý bolyp tabylatyn tereń taldaý men usynymdar úshin sarapshylarǵa alǵysyn bildirdi.
EYDU-men birlesken jumys Qazaqstannyń quqyqtyq júıesin nyǵaıtý jáne qoǵamnyń bılik organdaryna degen senimin arttyrý jolyndaǵy mańyzdy kezeń bolyp tabylady.
