Qazaqstandyq jas tennısshi Grýzııadaǵy jarysty jeńispen bastady

ASTANA. KAZINFORM — Qazaqstandyq, 19 jastaǵy Arýjan Saǵyndyqova Lopota (Grýzııa) ITF W50 týrnırin jeńispen bastady.

WTA reıtıngisinde 809-orynda turǵan qazaqstandyq tennısshi alǵashqy kezdesýin grýzııalyq Anamarııa Kýrtsıkashvılımen ótkizdi.

Arýjan qarsylasyn 6:0, 6:4 esebimen utyp, 1/8 fınalǵa joldama aldy.

Arýjan Saǵyndyqova shırek fınalǵa shyǵý úshin álemniń 461-inshi, osy jarystyń 7-raketkasy, reseılik Kıra Pavlovamen sheberlik talastyrady.

Ol alǵashqy aınalymda otandasy Evgenııa Býrdınany 6:4, 7:6 (8:6) esebimen joldan taıdyrdy. 

Atalmysh doda 5 mamyrda máresine jetedi.

Eske sala keteıik, budan buryn Aleksandr Býblıktiń Madrıdte kambek jasap, tórtinshi aınalymǵa ótkenin jazǵan bolatynbyz.