Qazaqstandyq jas tennısshi Frantsııadaǵy týrnırdiń fınalynda óner kórsetti

ASTANA. KAZINFORM – Frantsııanyń Bar-le-Dok qalasynda 14 jasqa deıingiler arasynda úshinshi sanattaǵy Tennis Europe týrnıri máresine jetti.

Qazaqstan tennıs federatsııasynyń baspasóz qyzmetinen málim etkenindeı, 13 jastaǵy qazaqstandyq tennısshi Aıym Qanaǵatova sátti óner kórsetip, bedeldi jarystyń fınalyna deıin jetti. 

Aıym sheshýshi básekede ǵana jergilikti tennısshi Sharlotta Hakardqa jol berdi – 1:6, 0:6.

Taldyqorǵan tennıs mektebiniń túlegi Aıym Qanaǵatova ótken jyly Tennis Europe jarystarynda jaqsy nátıjelerge qol jetkizdi. Atap aıtqanda, eki dúrkin jekeleı, bir ret juptyq synda jeńimpaz atandy. 

Eske sala keteıik, budan buryn Aýstralııa ashyq chempıonatynda Zańǵar Nurlanulynyń úshinshi aınalymǵa joldama alǵanyn jazǵan edik.

Sondaı-aq Anna Danılına mıkste shırek fınalǵa shyqty. Al, Elena Rybakına ótken jylǵy kórsetkishin jaqsartty.