Qazaqstandyq jas tennısshi Aýstralııadaǵy týrnırdi sátti bastady

ASTANA. KAZINFORM – 14 jastaǵy qazaqstandyq tennısshi Eva Korysheva Aýstralııa ashyq chempıonatyna oraılastyrylǵan «Melbýrn park» korttarynda jasóspirimder arasynda ótip jatqan ATF Asia-Pacific Elite 14 & Under Trophy týrnırin sátti bastady.

A tobyna túsken Aqtóbe tennıs mektebiniń túlegi aldymen ózbekstandyq Emılııa Kımdi 7:5, 6:2 esebimen jeńdi. Sodan keıin aýstralııalyq Emılı Chennen aılasyn asyrdy – 7:5, 6:0.

Erteń Eva Korysheva úndistandyq Harıta Vankateshpen kezdesedi.

Ótken jyly osy jarysta astanalyq Albına Kákenova fınalǵa deıin jetken edi.

Eske sala keteıik, budan buryn Aýstralııa ashyq chempıonatynda jasóspirimder arasynda qazaqstandyqtardan alǵash bolyp Ámir Omarhanovtyń shırek fınalǵa shyqqanyn jazǵan edik. Al Aýstralııa chempıonatynda Asyljan Arystanbekova jartylaı fınaldan tys qaldy.