Qazaqstandyq jas tennısshi álemdik reıtıngide 58 saty joǵary kóterildi

ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jarııa etken álemdik reıtıngide qazaqstandyq tennısshilerdiń orny anyqtaldy.

Qazaqstannyń kóshbasshy tennısshisi Elena Rybakına 5-ornynda qalsa, ıÝlııa Pýtıntseva 28-den 29-ǵa syrǵydy.

Jibek Qulambaeva 322-den 324-ke, Sandýǵash Kenjebaeva 866-dan 896-ǵa tómendese, Zarına Dııas 388-den 381-ge shyqty.

Jańartylǵan reıtıngide erekshe kóterilgen 19 jastaǵy Arýjan Saǵyndyqova boldy. Ótken aptada Sharm-el-Sheıh (Mysyr) ITF W15 týrnıriniń shırek fınalyna deıin jetken A.Saǵyndyqova 1040-tan 982-ge (+58) joǵarylap, TOP-1000-ǵa kirdi. 

Sondaı-aq taǵy bir jas tennısshi Sonıa Jıenbaeva 660-tan 639-ǵa (+21) kóterildi.

Qazaqstannyń juptyq syndaǵy birinshi raketkasy Anna Danılına burynǵysha 22-orynda keledi.

Búgin Elena Rybakına Er-Rııadta (Saýd Arabııasy) WTA qorytyndy týrnırinde ekinshi oıynynda álemniń 7-raketkasy, qytaılyq Chjen Tsınvenmen sheberlik talastyrady. Kezdesý Qazaqstan ýaqytymen saǵat 17.30-da bastalady.

Eske sala keteıik, budan buryn WTA qorytyndy týrnırinde Elena Rybakınanyń alǵashqy kezdesýinde jeńilip qalǵanyn jazǵan edik.