Qazaqstandyq jas tennısshi Albanııada ótken jarysta absolıýtti jeńimpaz atandy

ASTANA. KAZINFORM — Qazaqstandyq Ádemi Álseıpýlova Albanııa astanasy Tıranada ótken Tennis Europe Tirana Open U12 týrnıriniń absolıýtti chempıony atandy.

Qazaqstandyq jas tennısshi aldymen reseılik Arına Syroejkınamen birge juptyq synda úzdik shyqty.

Sodan keıin jekeleı synda fınalda tartysty matchta kambek jasap, Belarýs ókili Marııa Mıkalaıchıkti qapy qaldyrdy – 4:6, 6:3, 10:5.

Osy jarysta Temirlan Jantemirov juptyq synda polıak ıÝlıan Zeıbamen birge fınalǵa deıin jetti.

Ózbekstannyń Namangan qalasynda J30 Namangan ITF jarysy qazaqstandyq qyzdar úshin sátti aıaqtaldy. Juptyq syndaǵy sońǵy básekede Sofııa Isakova men Sátıma Tóregen taǵy bir qazaqstandyq Arıana Kolbasına jáne reseılik Vıktorııa Egorovamen chempıondyq ataqty sarapqa saldy. Munda S.Isakova – S.Tóregen qarsylastarynan 6:3, 6:3 esebimen basym tústi.

Eske sala keteıik, budan buryn ıÝlııa Pýtıntsevanyń álemdegi úzdik elý tennısshiniń qataryna engenin jazǵan bolatynbyz.

Sondaı-aq Aleksandr Nedovesov álemdik reıtıngide rekordtyq nátıjege qol jetkizdi.