Qazaqstandyq jas shahmatshylar Azııa chempıonatynda bes medal jeńip aldy

El-Aın (BAÁ) qalasynda máresine jetken Azııa chempıonatynda qazaqstandyq jas shahmatshylar bes medal jeńip aldy, dep habarlaıdy Kazinform. 

Qazaqstan shahmat federatsııasynyń baspasóz qyzmetinen málim etkenindeı, Mark Smırnov 12 jasqa deıingiler arasynda sońǵy týrǵa deıin kósh bastap turdy.

Tek sońǵy básekede ǵana ese jibergen M.Smırnov qosymsha kórsetkishter boıynsha ekinshi orynǵa ıe boldy.

Edgar Mamedov altyn úshin sońyna deıin aıqasty. Oǵan da jarty upaı jetpeı qaldy. Taǵy bir kúmis medal qorjynǵa tústi.

Dál osyndaı jaǵdaı 18 jasqa deıingi jasóspirimder arasynda boldy. Jarty upaı kem jınaǵan Sátbek Ahmedınovqa qola júlde buıyrdy.

Mılana Fılıppova 8 jasqa deıingiler arasynda úzdik úshtikke ilikti. Ol aldymen óziniń ákesi – QR balalar-jasóspirimder quramasynyń bapkerin qýantty.

Sondaı-aq 12 jasqa deıingiler arasynda Masha Holıavko jaqsy oınady. Tek 8-týrda bolashaq chempıonǵa ǵana jol bergen ol taǵy bir qolany qanaǵat tutty.

Álıhan Dáýletke 14 jasqa deıingiler arasynda sáttilik jetispedi. Sońǵy úsh oıynda jeńiske jetkenimen, ol 4-orynda qalyp qoıdy. Sol sekildi Álıhan Nazarbek (8 jasqa deıingiler), Elsultan Qalıahmet (12), Imanǵalı Aqylbaı (16), Alana Berikqyzy (10) jáne Elnaz Qalıahmet (18 jasqa deıingiler) júldege qol sozym jetpeı toqtady.