Qazaqstandyq jas shahmatshylar álem chempıonatynda 3 medal jeńip aldy

Qazaqstandyq shahmatshylar Italııanyń Montesılvano qalasynda ótken jastar arasyndaǵy álem chempıonatynda 3 medal jeńip aldy, dep habarlaıdy Kazinform.

Álem chempıonaty eki aptaǵa jýyq ýaqytqa sozyldy. Onda ǵalamnyń 80 elinen kelgen 14 pen 18 jas aralyǵyndaǵy shahmatshylar synǵa tústi.

El quramasynan Aldııar Ańsat 11 týrdan keıin 8,5 ball jınap, 18 jasqa deıingiler arasynda qola júldeger atandy. Qazir ol - 15 jasta.

Al 14 jasqa deıingi qyzdar arasynda Elnaz Qalıahmet 9 upaımen kúmis júldeger bolsa, 16 jasqa deıingi oıynshylar ishinde Alýa Nurmanova 3-orynnan kórindi. 

Eske salsaq, aýyr atlet Aısamal Sansyzbaeva álem chempıonatynyń kúmis júldegeri atandy.