Qazaqstandyq jas padelshiler Azııa reıtıngisinde úzdik úshtikke kirdi
ASTANA. KAZINFORM — Qazaqstandyq jas padelshiler Arnur Tursynhan men Islam Dúısenǵazın el padeli tarıhynda úzdik kórsetkishke qol jetkizdi.
Halyqaralyq padel federatsııasy (FIP) álemdik jańartylǵan reıtıngini jarııa etti. Qazaqstandyq qos jas padelshi 18 jasqa deıingiler arasynda Azııada úzdik bestikke kirdi.
Arnur Tursynhan men Islam Dúısenǵazın Azııa FIP Promises reıtıngisinde 3-orynǵa kóterildi. Bul — jas oıynshylar úshin otandyq padel tarıhyndaǵy eń joǵary kórsetkish.
Arnur men Islam jeksenbi kúni máresine jetken 18 jasqa deıingiler arasynda Almaty FIP Promises týrnırinde top jardy. Bul Qazaqstandaǵy osyndaı deńgeıdegi alǵashqy jarys bolatyn. Búgin ekinshi doda bastaldy.
Eske salaıyq, budan buryn Qazaqstanda alǵash ret padelden halyqaralyq FIP Promises týrnıri ótetinin jazǵan edik.
