Qazaqstandyq jas padelshiler Azııa reıtıngisinde TOP-6-ǵa kirdi
ASTANA. KAZINFORM — Qazaqstandyq jas padel sheberleri FIP Promises Asia reıtıngisindegi kórsetkishin jaqsartty.
Halyqaralyq padel federatsııasy jańartylǵan reıtıngi nátıjelerin jarııalady.
Qazaqstan padel federatsııasynyń baspasóz qyzmetinen málim etkenindeı, 18 jasqa deıingiler arasynda Azııa FIP Promises reıtıngisinde eki qazaqstandyq padelshi TOP-6-nyń qataryna kirdi.
Atap aıtqanda, Arnur Tursynhan men Islam Dúısenǵazın 6-orynǵa kóterildi.
Arnur men Islam keshe 16 jáne 18 jasqa deıingiler arasynda Dýbaıda aıaqtalǵan FIP Promises Damac Dubai II týrnırinde jartylaı fınalǵa deıin jetti.
Atalmysh jarysta A.Tursynhan men I.Dúısenǵazın barlyǵy tórt kezdesý ótkizip, sonyń úsheýinde jeńiske jetti.
Eske sala keteıik, budan buryn jazǵy Azııa oıyndarynda qazaqstandyq padelshiler baq synaıtynyn jazǵan edik.
Sondaı-aq qazaqstandyq padelshiler Azııa oıyndarynyń ekinshi aınalymyna ótti.
