Qazaqstandyq jas padel sheberleri Azııa reıtıngisinde úzdikter qataryna endi
ASTANA. KAZINFORM — Halyqaralyq padel federatsııasynyń (FIP) jańartylǵan reıtıngisinde qazaqstandyq jas padelshilerdiń ozyq nátıjeleri tirkedi.
Qazaqstan padel federatsııasynan málim etkenindeı, Arnur Tursynhan men Islam Dúısenǵazın 16 jasqa deıingiler arasynda Azııa FIP Promises reıtıngisinde 2-orynǵa kóterildi. Qazaqstandyq dýettiń enshisinde 1 785 upaı bar. Olar Qatar ókili Saıd Hashem Almazeedıden ǵana 1 285 upaıǵa qalyp tur.
18 jasqa deıingi qyzdar arasynda Azııa FIP Promises reıtıngisinde úsh birdeı qazaqstandyq padelshi alǵash ret TOP-10-ǵa kirdi. Sofııa Pak tórtinshi orynǵa taban tirese, Aılın Amantaı men Ádııa Bektemisova 8-satyǵa jaıǵasty.
Jýyrda Almatyda jasóspirimder arasynda máresine jetken ekinshi FIP Promises Almaty týrnırinde Arnur Tursynhan men Islam Dúısenǵazın U16 sanatynda jeńimpaz atandy. Oǵan qosa U18 sanatynda fınalǵa deıin jetti. Al Sofııa Pak eki birdeı jas sanatynda (U16 jáne U18) tıtýlǵa qol jetkizdi. Bul olardyń Azııa reıtıngisinde joǵary kóterilýine múmkindik berdi.
Eske sala keteıik, budan buryn qazaqstandyq jas padelshilerdiń Azııa reıtıngisinde úzdik úshtikke kirgenin jazǵan edik.
