Qazaqstandyq jas konkıshiler álem kýbogi kezeńin qos altynmen aıaqtady

Italııanyń Kollalbo qalasynda konkımen júgirýden jastar arasynda ótken álem kýboginiń ekinshi kezeńinde Qazaqstan quramasy eki altyn, eki kúmis medal jeńip aldy, dep habarlaıdy Kazinform. 

Sportty damytý dırektsııasynyń baspasóz qyzmetinen málim etkendeı, neo-senorlar (23 jasqa deıingiler) 500 metrlik qashyqtyqta Margarıta Artemeva 40.04 sekýnd ýaqyt kórsetip, jeńimpaz atandy.

Taǵy bir qazaqstandyq Inessa Shýmekova 40.27 sekýnd nátıjesimen kúmis júldege ıe boldy. Al qola medal Nıderland ókili Vılde Baasqa (40.96 sekýnd) buıyrdy.

Buǵan deıin 1 myń metrden jarysta Inessa Shýmekova altyn, Arına Ilıaşenko kúmis júldeger atanǵan edi.

Apenın túbegindegi baıraqty básekege 27 elden 230 sportshy qatysty.

Eske sala keteıik, budan buryn qazaqstandyq jas konkıshilerdiń álem kýbogi kezeńinde altyn jáne kúmis medal jeńip alǵanyn jazǵan bolatynbyz.