Qazaqstandyq jas hımıkter Mendeleev olımpıadasynda 11 medal jeńip aldy
ASTANA. KAZINFORM - Brazılııanyń Belý-Orızontı qalasynda 59-shy Halyqaralyq Mendeleev olımpıadasy óz máresine jetti. Qazaqstandyq oqýshylar 40 el qatysqan jarysta úzdik nátıje kórsetip, 11 medal jeńip aldy. Osylaısha AQSh, Japonııa, Qytaı jáne Eýropa elderiniń myqty quramalaryn basyp ozdy.
QR Oqý-aǵartý mınıstrligi baspasóz qyzmetiniń habarlaýynsha, Qazaqstan quramasy 2024-2025 oqý jylynda hımııadan respýblıkalyq olımpıadanyń jeńimpazdary bolǵan 10-11 (12) synyp oqýshylarynan jasaqtaldy. Komandanyń barlyq músheleri halyqaralyq týrnırde júldeger atanyp, Qazaqstandaǵy bilim júıesiniń jáne daryndy oqýshylarǵa kórsetiletin qoldaýdyń joǵary deńgeıde ekenin dáleldedi.
Baıqaýda Mańǵystaý oblysyndaǵy «Bilim-Innovatsııa» lıtseıiniń 10-synyp oqýshysy Meńdiǵalı Qaldybaı praktıkalyq kezeńde eń joǵary upaı jınap, «Award for the Best Score in the Practical Exam» arnaıy syılyǵyna ıe boldy.
Kúmis júlde ıelengender:
Danııar Bazarbaı – 11 synyp oqýshysy, «Bilim-Innovatsııa» lıtseıi, Aqtóbe oblysy;
Meńdiǵalı Qaldybaı – 10 synyp oqýshysy, «Bilim-Innovatsııa» lıtseıi, Mańǵystaý oblysy;
Ańsar Jaqsylyqov – 11 synyp oqýshysy, «Bilim-Innovatsııa» lıtseıi, Aqtóbe oblysy;
Aren Teńizbaev – 10 synyp oqýshysy, №9 «Bilim-Innovatsııa» lıtseıi, Qyzylorda oblysy;
Sanjar Qalıaqbar – 11 synyp oqýshysy, «Bilim-Innovatsııa» lıtseıi, Qaraǵandy oblysy;
Qalı Ábilmansur – 10 synyp oqýshysy, Nazarbaeva zııatkerlik mektebi, Astana qalasy;
Raıymbek Ǵabdolla – 11 synyp oqýshysy, «Bilim-Innovatsııa» lıtseıi, Mańǵystaý oblysy.
Qola júlde ıelengender:
Aızere Jeńishanova – 10 synyp oqýshysy, Nazarbaev zııatkerlik mektebi, Óskemen qalasy;
Nurqoja Ýmarbaev – 11 synyp oqýshysy, «Bilim-Innovatsııa» lıtseıi, Mańǵystaý oblysy;
ıAroslava Kravchýk – 11 synyp oqýshysy, №8 daryndy balalarǵa arnalǵan mektep-lıtseıi, Pavlodar qalasy;
Alıhan Serikuly – 11 synyp oqýshysy, «Haileybury Almaty» mektebi, Almaty qalasy.
Komandanyń jetekshileri — Bahytjan Eldana jáne Azım Amanjolov.
Esterińizge sala keteıik, Halyqaralyq Mendeleev olımpıadasy Qazaqstan ulttyq quramasy úshin 2025 jyldyń 5-14 shilde aralyǵynda Birikken Arab Ámirlikterinde ótetin hımııadan Halyqaralyq olımpıadaǵa (IChO) daıyndyqtyń mańyzdy kezeńi bolyp sanalady.
Osyǵan deıin álemdik 86 ýnıversıtettiń grantyn jeńip alǵan oqýshy týraly jazdyq.