Qazaqstandyq jaǵajaı voleıbolshylary Azııa chempıonatynyń shırek fınalyna shyǵa almady
ASTANA. KAZINFORM — Qytaıdyń Shanlo qalasynda jaǵajaı voleıbolynan Azııa chempıonaty ótip jatyr.
Qazaqstandyq sportshylar 1/8 fınaldyq kezeńde óner kórsetti. Erler arasyndaǵy jarysta bul kezeńge Qazaqstannyń eki juby shyqty.
Dmıtrıı ıAkovlev pen Abdýlmajıd Mohammad Avstralııa ókilderi Tomas Hodjes pen Ben Hýdqa qarsy oınady. Qazaqstandyqtar 0:2 (10:21, 11:21) esebimen jeńildi.
Sergeı Bogatý men Kırıll Gýrın Katardyń Sherıf ıÝnýs/Ahmed Tıdjan jubymen kezdesti. Qazaqstandyq dýet te kelesi kezeńge óte almady — 0:2 (12:21, 13:21).
Áıelder arasyndaǵy týrnırde Laýra Qabylbekova men Mereı Qojahmet 1/8 fınalda Qytaı ókilderi ıAn Sıýı men Sıa Sınıǵa qarsy oınady. Kezdesý qytaılyq juptyń 2:0 (21:13, 21:9) esebimen jeńisimen aıaqtaldy.
Osylaısha, Qazaqstannyń úsh juby da Azııa chempıonatynyń shırek fınalyna shyǵa almady.
Eske salaıyq, buǵan deıin Qazaqstan taekvondodan halyqaralyq Gran-prı kezeńinde baq synaıtynyn jazǵanbyz.
