Qazaqstandyq volonterler Hong Kong Bootcamp 2026 halyqaralyq jobasyna qatysty
ASTANA. KAZINFORM — Qazaqstannyń Ulttyq volonterlik jelisiniń ókilderi Hong Kong Bootcamp 2026: Roots and Routes – Art Festival and Village Community halyqaralyq jobasyna qatysty. Joba volonterlikti damytýǵa jáne turaqty damý maqsattaryn nasıhattaýǵa baǵyttalǵan.
Mádenıet jáne aqparat mınıstrligi málimetinshe, is-sharalardyń basym bóligi Gonkongtegi Kat-O (Kat O) aýylynda ótti. Qatysýshylar jergilikti halyqtyń turmys-tirshiligimen tanysyp, birqatar ıgi iske atsalysty.
Baǵdarlamada volonterlik jumysqa basymdyq berildi. Qatysýshylar jergilikti óner festıvalin aýyl turǵyndarymen jáne qoǵamdyq uıym ókilderimen birlesip uıymdastyrdy.
Ekologııalyq volonterlik aıasynda qatysýshylar tabıǵı resýrstardy uqypty paıdalanýǵa negizdelgen aýyl sharýashylyǵynyń tásilderimen jáne aýmaqtardy qalpyna keltirýge baǵyttalǵan jergilikti bastamalarmen tanysty.
Joba túrli elderden kelgen volonterlerge aral turǵyndarynyń tarıhy men dástúrin tanýǵa, óz elderiniń tájirıbesin bólisýge jáne halyqaralyq baılanys ornatýǵa múmkindik berdi.
Aıta keteıik, Qazaqstan volonterlik boıynsha 34 kelisim jasasty.
