Qazaqstandyq voleıbolshylar jasóspirimder Olımpıadasynda ekinshi jeńisine qol jetkizdi
ASTANA. KAZINFORM – Qazaqstannyń jaǵajaı voleıbolynan jasóspirimder quramasy Senegaldyń Dakar qalasynda ótip jatqan 2026 jylǵy jasóspirimder Olımpıadasynda Gana komandasyn jeńdi, dep habarlaıdy Ulttyq olımpıada komıteti.
Qazaqstandyq Álıhan Aǵabek pen Orazaly Saǵynysh toptyq kezeńdegi kezekti kezdesýinde ganalyq Djastıs Amoafo men Danıel Lartıge qarsy oınady.
Otandastarymyz eki sette de basym tústi. Alǵashqy kezeń 21:19 esebimen aıaqtalsa, ekinshi sette qazaqstandyq jup 21:13 esebimen jeńiske jetti.
Osylaısha, Álıhan Aǵabek pen Orazaly Saǵynysh jasóspirimder Olımpıadasyndaǵy ekinshi jeńisin tirkedi.
Buǵan deıin qazaqstandyq sportshylar toptyq kezeńde Saýd Arabııasynyń quramasyn jeńgen bolatyn.
Aıta keteıik, qazaqstandyq jup alǵashqy kezdesýinde Saýd Arabııasynyń ókilderi Vafı Ál-Djasır men Alı Ál-Avamıdi 2:0 (21:13, 21:7) esebimen jeńgen bolatyn. Álıhan Aǵabek pen Orazaly Saǵynysh 2025 jyly Bahreınde ótken jasóspirimder arasyndaǵy Azııa oıyndarynyń chempıondary atanǵan.
