Qazaqstandyq voleıbolshylar Koreıany 2:0 esebimen jeńdi
ASTANA. KAZINFORM — Jaǵajaı voleıbolynan Qazaqstan ulttyq quramasynyń ókilderi Sergeı Bogatý men Kırıll Gýrın Aıchı men Nagoıada (Japonııa) ótip jatqan 2026 jylǵy Azııa oıyndaryndaǵy toptyq kezeńniń kezekti kezdesýinde jeńiske jetti.
E tobyndaǵy ekinshi matchynda qazaqstandyq jup Ońtústik Koreıa ókilderi Pe In Ho men E Mın Sýǵa qarsy oınady.
Bogatý men Gýrın 2:0 (21:10, 21:10) esebimen jeńiske jetti.
Bul – qazaqstandyq juptyń týrnırdegi ekinshi jeńisi. Buǵan deıin olar Indonezııa ókilderi Imam Ahmad Faısal men Faırýz Baıhaklıdi 2:1 (22:24, 21:19, 15:12) esebimen utqan bolatyn.
Eki kezdesýden keıin qazaqstandyqtar eki jeńiske ıe bolyp, 1/8 fınalǵa shyǵý jolyndaǵy kúresin jalǵastyrýda. Kelesi kezeńge toptaǵy úzdik eki komanda joldama alady.
E tobynda gonkongtyq jup ta óner kórsetedi.
Aıta ketelik semserlesýden Ǵalym Nurymov Azııa oıyndaryndaǵy 3-kezdesýin ótkizgen edi.
